Duz roegwh’wz he fatyienh benq reih ndeu, ndaw reih miz benq doenghgo daemqded he hai va angjlwenq, ndigah gietdingh maeuq youq henz souj cajdeq va loenq giet mak.

Roegwh’wz sinsin hojhoj caj baenz geij ndwen, cungj mbouj hawj gij roeg wnq depgyawj, lauheiq gyoengqde ciengj gwn gij doxgaiq gwn neix.

Gij va haenx caen maj baenz aen baenz mak lumj makdauz iq nei okdaeuj lo, makdauz iq dek lo, gij faiq hauyanyan daj ndaw byuk mbin okdaeuj, laxlawz benq neix dwg benq reih faiq he. Duz roegwh’wz youh byom youh nyieg haenx saetmuengh yaek dai, nyaenx mbouj ndaej daejngw’ngw hwnjdaeuj.

Duz roegvaiqguhvaiqguz he mbin gvaq- daeuj, naeuz duz roegwh’wz:“Mwngz yawj, mwngz coengzlaiz mbouj hawj dou dep gyawj, mboujnex dou caeux couh naeuz hawj mwngz gyawz miz gij lwgmak baenz gwn lo.”

(Yij Vwnz)