Danghnaeuz caengz daiqndang gaxgonq couh baenz lwedhaw, itdingh aeu yw ndei caiq daiqndang haemq ndei. Neix dwg aenvih caengz daiqndang gaxgonq lwedhaw, rox dawz cungj cingzgvang neix doiceiz bae daengz geizsenglwg. Dangh- naeuz baenz lwedhaw haemq mbaeu, ndaej gwn di gijgwn hamz dez he, danghnaeuz baenz lwedhaw youqgaenj, aeu boiqhab gwn yw daeuj yw cij ndaej.

Gijgwn hamz dez lai haenx miz: Bwtdaep doihduz、gij huq aeu lwed daeuj guh、nohcing、nohnding、lwglimz、raetmoegngaex ndaem、ciengq lwgraz daengj.

Gwn aen lwedgaeq he ndaej bouj 25 hauzgwz dez; gwn aen lwedmou he ndaej bouj 8.7 hauzgwz dez; moix gwn 100 gwz daepbit ndaej bouj 35.1 hauzgwz dez; moix gwn 100 gwz daepmou ndaej bouj 12.6 hauzgwz dez. Gwn gij huq neix yungzheih deng supsou leihyungh, supsou leihyungh- lwd dabdaengz 20% daengz 30%.

Couhcinj bwtdaep doihduz hamz dez lai, hoeng mwh daiqndang geizgan mbouj hab gwn daiq lai, aenvih gij huq neix hamz veizswnghsu A caeuq danjgucunz daiq lai.