1、Cuk ngaeux ndip: Di ngaeux ndip he, 100 gwz haeuxsuen, di dangznding ndeu. Swiq ngaeux ndip seuq ronq baenz gaiq mbang, swiq haeuxsuen seuq le, caeuq ngaeux、dangznding itheij dwk roengz rek, dwk di raemx he, hai feizhaenq cawj goenj le gaij yungh feiznumq cawj daengz cuk ngaeux cug naemz, ngoenz gwn 2 baez, haethaemh gak gwn baez ndeu.

2、Raemx makdoengj dangzrwi: Aen makdoengj he, 50 gwz dangzrwi. Sien dwk makdoengj roengz raemx cimq cawz soemj, doeklaeng lienz naeng cab baenz seiq dip le, caeuq dangzrwi itheij dwk roengz rek, dwk di raemx ndeu, hai feizhaenq cawj goenj le gaij yungh feiznumq cawj 20 daengz 25 faen cung, vez makdoengj hwnj louz raemx de dang caz gwn.

3、Dang mba’ngaeux gaeujgij: 25 gwz gaeujgij, 50 gwz mba’ngaeux. Sien dwk di raemx he heuz mba’ngaeux cawj goenj, caiq dwk gaeujgij roengz cawj yaep ndeu couh baenz gwn, ngoenz gwn 2 baez, moix baez 100 daengz 150 gwz.

4、Cuk naeng makgam: Naeng makgam ndip 25 gwz, haeuxsuen 50 gwz. Sien swiq naeng makgam seuq ronq baenz gaiq, caeuq haeuxsuen caez ngauz cuk cug gwn, ngoenz baez, gyanghaet gwn guh ngaizromh.

5、Raemx makdauz dangzrwi: 20 gwz dangzrwi, aen makdauz ndeu. Dat naeng makdauz cawz ngveih nap aeu raemx, dwk di dangzrwi ndeu caeuq di raemxraeuj he heuz couh baenz gwn, ngoenz gwn baez daengz song baez, moix baez 100 hauzswngh.