Lizsij gaenq cingqmingz, gij cawjcieng Veiz Gozcingh daengj vunz bihaenx doiq hwnjguh Giuzhung Yunghgyangh haenx, yawj ndaej haemq gyae.

Aengiuz neix bi 1959 hwnjmax, caeuq guekgya yaek guh Namzningz Feihgihciengz moq doxlienz ndaej maenhdwddwd. Bi 1958 Hoih Namz- ningz hai sat le, gozvuyen gietdingh yaek guh aen Namzningz Feih- gihciengz moq. Youz minzhangz、gunghginh、swcigih caeuq Namzningz Si gyoebbaenz aen cujguhhong, gonq- laeng bae gaujcaz le Vujmingz、Suhluz、Wdangz、Sihyanghdangz、Vuzhih、Ndoisienseng daengj 6 aen dieg, doeklaeng genjdingh aen dieg youq Vuzhih, Vuzhih youq haenznamz Dahyunghgyangh, liz ndawsingz 30 lai goengleix. Dingh ciengzfeihgih moq youq Vuzhih, couh miz gvaq dah aen vwndiz neix. Yienghneix, swcigih daezok yaek guh Giuzhung Yunghgyangh cix swnhleix baenzcieng lo, haemq vaiq cix ndaej Guekgya Giveij baecinj.

Bi 1960, sojmiz gij doengiuz、gij daizgiuz song gyaeuj caeuq aen gwnzgiuz he gaenq guh baenz, hoeng aenvih guekgya bungq deng haemzhoj ginghci, deng bik vuenjguh. Seizhaenx, miz vunz cawjcieng cek gij gangcaiz gwnz giuz roengzdaeuj, dawz bae bang nungz, Veiz Gozcingh mbouj doengzeiq.

Bi 1962 ndwen 11, riengz Namzningz Feihgihciengz daj dieg- gaeuq senj daengz diegmoq doeng- hangz le, lienzdaemh guh Giuzhung Yunghgyangh youh ndaej dauqcungz daez hwnj yizcwngz bae.

Ciuq gij yigen Veiz Gozcingh, swcigih guh le baugau ciendaez hawj Guekgya Giveij caeuq Cunghnanzgiz Giveij, gangjmingz Giuzhung Yangh- gyangh dwg diuz giuz doxlienz song haenz ndawsingz Namzningz haenx, dwg diuz roen cujyau daj Namzningz doeng coh roengoek goengloh reguek doeng Yeznanz caeuq doeng coh Ginhcouh、Bwzhaij daengj goengloh dieghenzhaij haenx. Daegbied dwg feihgihcangz moq guh baenz doeng- hangz le, gij ci、 vunz siengj doh dah haenx demlai ndaej gig haenq. Aenvih ruz doz seizgan nanz lai, yiemzcungq yingjyangj le guh hong caeuq dajyinh. Ndigah, cingjgouz anbaiz laebdaeb guh Giuzhung Yunghgyangh.

(caengz sat)