Gomoegminz hai va

Hoengz doh bya doh doengh

Va gyaeundei gvaq gyoengq

Ndingloengloeng maez vunz

Valeux va yinghyungz

Eiqseiq hung youh laeg

Miz minzcuz daegsaek

Yawjraen ngaekgyaeuj gingq

Seiz ndaw guek gwzming

Okmingz dwg Gyanghcej

Liuz Huzlanz dem le

Vutmingh de(deng) yinghyungz

Seiz dingj fangz Yizbwnj

Hwnj cancangz guh bing

Bingzyingzgvanh hoenx hingz

Yinghyungz fanhfanh cien

Baez gaijfang cancwngh

Hwng lumj ndit lumj feiz

Vunzdig dai dek mbei

Lezsw ceiq miznaj

Naeuz gangmeij yenzcauz

Loz Swnggyau vutmingh

Lezsw Mauz An’yingh

Hoenx hingz baih daeuj ciemq

Lezsw gijnenbeih

Geiq yinghlez goenglauz

Vih gouq guek ndok hau

Goenglauz lwenq fanh daih

Cingmingz raeuz dwkmoh

Coh lezsw soengq va

Hagseng baenzdoih ma

Soengq va caez ngaemgyaeuj

Cunghvaz meijdwz ndei

Geiq cojcoeng aencingz

Gyaez guek raeuz miz cingz

Guh vunz dingh gamjaen

Dwkmoh raeuz ngeix daengz

Baengh dangj gwndaenj ndei

Ndaej daeuj mbouj yungzheih

Ciengz geiq aencingz dangj