Ciuqei gohyoz byauhcunj, ngaiz- romh daezgung hawj gij naengzliengh caeuq yingzyangj doxgaiq wng ciemq daengx ngoenz sihyau 30% doxhwnj. Mbouj gwn ngaizromh doiq ndangdaej gengangh miz baihlaj haihcawq:

1、Conghsaej yungzheih ndaej bingh. Mbouj gwn ngaizromh daih’it dwg cingsaenz mbouj ndei, caemhcaiq yingjyangj veisonh iemq ok、raemx- mbei baiz ok, yienghneix couh gemjnyieg gij goengnaengz siuvaq hidungj, yaeuhfat baenz veiyenz、mbei gietsig daengj bingh.

2、Mbouj naengz gemjbiz dauq- fanj hawj vunz lai biz. Mbouj gwn ngaizromh rox hawj bouxvunz youq mwh gwnngaiz seiz gamjdaengz dungx byouq dungx iek, mbouj rox mbouj nyinh cix gwn doxgaiq gvaqbouh, gij naengzliengh doyawz haenx couh youq ndaw ndang cienjvaq baenz lauz, seizgan baez nanz, lauz couh youq laj naengnoh rom youq le dauqfanj hawj vunz fat biz.

3、Rengz dingj bingh doek- daemq. Aenvih mbouj gwn ngaizromh yinxhwnj baenz yingzyangj mbouj ndei, lij rox yinxhwnj aenndang rengz dingj bingh doekdaemq dem, leuxle yinxhwnj baenz dwgliengz、sailwed miz bingh.

4、Sonjhaih saeknaj. Mbangj vunz ngaizromh maij gwn mandouz、haeuxcuk roxnaeuz youzdiuz、mienh- bau daengj, danhseih gij huq neix dingzlai dwg gij huqsoemj, gwn lai rox hawj lwed bien soemj bienq niu.

Conhgyah daezsingj naeuz, ngaizromh yingzyangj gengangh wnggai baugvat miz youhciz danbwzciz、gak cungj gvangvuzciz caeuq veizswnghsu, cawj seiz itdingh aeu miz itdingh cijbyauh, couh dwg baugvat haeuxgok、danbwzciz、byaekheu caeuq lwgmak sam daihloih, noix yiengh ndeu cungj mbouj ndaej.

Doengzseiz, ngaizromh mbouj wnggai gwn gijgwn youznywnx haenx, aenvih gij huq neix youzlauz daiq lai, rox yinxhwnj aen’uk soengq lwed mbouj gaeuq. Gyanghaet gwn gij huq youznywnx daiq lai rox hawj vunz naetnaiq, cuyiliz mbouj cizcungh. Gijgwn ginggvaq youz caq le, yingzyangj doxgaiq couh deng buqvaih. Danghnaeuz ngaizromh gwn gyaeqgaeq, couh aeu caenhliengh gwn gij gyaeqgaeq cawj cug haenx, gaej yungh gwn gyaeqgaeq cien.