Yinzda caeuq cwnghez

Song de cib ngeih gai

Baez daihngeih hoih hai

Baekging lai nauhyied

Cungjlij guh baugau

Neiyungz sau youh naek

Daujlun aeu haeujlaeg

Rap naek dawz gwnzmbaq

Bi’ gvaq cingzcik hung

Swnghcanj cungjciz maj

Ndaej daengz caet diemj haj

Lumj va hai sam nyied

Daibyauj caez lwnh naeuz

Seiqhenz aeu hen maenh

Bobaq mauhloeg daenj

Gij haenx cij dwg gyaeu

Gij gwn aeu ancienz

Sien guh ndei yiemz guenj

Mingh vunz gim mbouj vuenh

Mbouj ndaej luenh gai uq

Minzswngh aeu gaij ndei

Sevei hamj baenaj

Byaij roen buet lumj max

Lajmbwn yawj guek raeuz

Gyauyuz aeu roengz bonj

Gyonj gung vunz miz caiz

Gensez yungh vunz lai

Guekgya vaiq fazcanj

Yw bingh aeu gaijgwz

Yinzminz dwz(ndaej) saedsaeh

Vunzlai ndaw sim geiq

Sevei engq doxhuz

Song hoih caez nyinhnaeuz

Gaijgwz caiq haeujlaeg

Caezgya dawz rap naek

Fazcanj yaek ndaej nyaemz

Cibbet daih cingsaenz

Gaenq haeuj sim beksingq

Dangj vix raeuz bae bingq

Dingh saedyienh siengjmuengh