Ae’ngab dwg cungj bingh huhgiz hidungj ciengz raen ndeu, youq seizdoeng caeuq seizcin yungzheih fatbingh, bouxbingh cawz ciengz gwn yw ceihyw le, lij aeu youq gwnndoet baihgwnz bae diuzleix dem.

Boux baenz ae’ngab gwn- ndoet ceiq gihbwnj yenzcwz dwg cingdamh、unqmboeng, hab lai gwn swhgvah、gyoijhom、makleiz, noix gwn gyaeqgaeq、nohbiz、bya、nyauh、baeu、nohyiengz、gyauj- gwzliz、dangzmak、dangzrwi daengj doxgaiq.

Youq cunghyih lijlun ndawde, ae’ngab baen miz caep ae’ngab caeuq ndat ae’ngab song cungj. Caep ae’ngab wng noix gwn gijgwn caepliengz, lumj lwgmak caeuq maenzdoengzlingz daengj, mwh cawj byaek seiz ndaej dwk di hing、hozceu he, roxnaeuz caeuq nohvaiz、nohmou cing、ndoksej daengj itheij cawj gwn; boux baenz ndat ae’ngab mbouj ndaej gwn nohyiengz、coeng、gyaeujsuenq、hing、lwgmanh daiq lai. Linghvaih, nyeziq baenz ae’ngab aenvih siuvaq hidungj caengz caezcienz, bouxlaux baenz ae’ngab cix siuvaq goengnaengz doekdaemq, ndigah, mwh baenz ae’ngab seiz, wng noix gwn lwgmaenz、maenzdoengzlingz、byaekgep、duhhenj daengj doxgaiq, doengzseiz hix gaej gwn gojloz、sezbiz daengj gisuij caeuq laeujbizciuj, lai gwn raemxgoenj liengz, fuengz duetraemx caeuq myaiz niugwd cauhbaenz diemheiq hojnanz.

Linghvaih, lwgcid、noh mak- huzdauz、makcauj nding、cehmbu、maenzcienz ndaej cangq dungx vaq myaiz、ik mak ciengx bwt, ndaej fuengz baenz ae’ngab, gojyij hab- dangq gwn di he.