●Bi’gvaq, Lungzcouh Yen cungfaen aeu gij daigvanj iq hawj nungzhoh de bangcoengh vunz henzguek fazcanj mouyi henzguek, bi’gvaq aen yienh neix mouyi henzguek guhsat 103.32 ik maenz, doengzbeij demlai 49.32%.

(Liuz Cinghgveiz)

●Geij bi neix, Sanhgyangh Dungcuz Swciyen gyarengz roengz- ngaenz guh“it saeh it gangj”hawj vunzlai souh’ik. Bi’gvaq, daengx yienh gungh guhsat gij hanghmoeg cunh gaep ciengjbouj guh saeh hawj vunzlai souh’ik de 237 aen, guhsat hanghmoeg roengzngaenz 3450 fanh maenz, ndawde cunghyangh bouj hawj 2669 fanh maenz, hanghmoeg guh daengz daengx yienh 15 aen yanghcin 119 aen cunh, 8.4 fanh vunz souh’ik.

(Gungh Bujgangh)

●2013 nienz, Siengcouh Yen saedyienh haeuxgwn soundaej onjdingh demlai, daengx bi ndaem haeuxnaz 45.19 fanh moux, bingzyaenz moix moux ndaej 372 goenggaen, gungh ndaej 16.82 fanh dun, beij bi’gvaq demlai 3.9%, saedyienh haeuxnaz moux sou ndaej、gungh sou ndaej“lienzdaemh cib bi fungsou”.

(Dangz Binh)

●Bi’gvaq, Denhdwngj Yen cizgiz guh ndei hong boujdiep nungzgih, gungh fat nungzgih boujdiep 300 fanh maenz, 1455 ranz souh’ik.

(Vangz Lilanz)

●Geij ngoenz gonq, Dasinh Yen Wnhcwngz Yangh ciengj 14 boux yezyiz dunghsinyenz, caemh- caiq hawj gyoengqde fat gij cienzngaenz ciengj sinhvwnz senhconz de 3855 maenz. Yienghneix guh le hawj gyoengqde engqgya haenqrengz guh hong senhconz baudau.

(Hij Cuilanz)