Gwnndoet diuzleix: Seizcin aenndang bouxvunz suphaeuj caeuq baizok hainduj hoenghvuengh, gwnndoet wng senj gwn gij huq manh、diemz、loq raeuj. Gaej gwn gij huq ndipgyoet caeuq youz nywnx, lai gwn byaekheu singjsien hamz veizswnghsu lai haenx. Yienhdaih yihyoz yenzgiu nyinhnaeuz, gwn imq gvaq- bouh、aenndang siuj veiz- swnghsu B dwg yinxhwnj seizcin naetnaiq aen yenzyinh ndeu.

Lai gwn byaekheu lwg- mak singjsien: Seizcin aendaep ceiq hoengh, wng lai gwn gijgwn feih diemz singq bingz caemhcaiq hamz danbwzciz、dangz、veizswnghsu caeuq gvangvuzciz lai he, lumj nohcing、gyaeqbit gyaeqgaeq、cijvaiz、dangzrwi、gij huq aeu duh guh、byaekheu lwgmak singjsien daengj.

Yindung ciengx hoh: Haeujcin le aeu gyagiengz lienhndang, bae giz hoengheiq singjsien haenx menhbuet youzbyaij、dwkgienz, hawj aenndang ndaej suphaeuj baizok ndei, hawj nyinzndok ndaej iet ok.

Bauj raeuj fuengz bingh: Seizcin mbwn cienq raeuj, nengzbingh、binghdoeg sanjmaj vaiq, bouxcungnienz caeuq bouxlaux baenz hezyaz sang、boux simdaeuz miz bingh haenx aeu haeujsim fuengz nit bauj raeuj.

Linghvaih, bingh’ae’ngab yungzheih youq seizcin fukfat, aeu yawhfuengz de daih’it dwg genhciz lienhndang, daihngeih dwg gangj veiswngh, ndojhai gij goek gominj.