3 nyied 2 hauh, Daih 126 Gaiq Meizlinz Yangh Ciet “Ngeihnyied Co’ngeih” Golaux Dungcuz youq Sanhgyangh Dungcuz Swciyen Meizlinz Yangh haimuq, gyoengq beixnuengx Dungcuz、Myauzcuz、Yauzcuz、Bouxgun youq ngoenzneix daenj buhmoq vaqmoq, doxcomz youq henz Dahyungzgyangh, guh gak cungj gak yiengh hozdung, angqhoh ngoenzciet neix, maqmuengh bi moq fwnraemx ndei. Ciet Meizlinz “ngeihnyied co’ngeih”Golaux Dungcuz dwg aen ciet conzdungj Dungcuz ndeu, gaenq miz 278 bi lizsij, 2007 nienz ndaej lied haeuj daengx guek buek daih’it feihvuzciz vwnzva yizcanj mingzloeg, 2009 nienz ndaej lied haeuj seiqgyaiq feihvuzciz vwnzva yizcanj mingzloeg. Bineix cietgolaux hai song ngoenz, miz cien vunz vad saz、cien vunz ciengq golaux Dungcuz、ciengj bauqva、ram bouxhak、boq venz daengj hozdung,yinx fanh lai bouxyouz daeuj yawj.

(Gungh Bujgangh Vuz Lenyinh/龚普康 吴练勋)