Mbouj dwg guh doxdax, hix mbouj dwg guh byaujyenj, youq mbanjranz Baeuqroxdoh Denzyangz Yen, gyoengq vunzmbanj miz hoengq couh doxcomz youq itheij eu fwen soeng sim guh’angq. Youq laj gofaex gyaeujmbanj, youq gwnzhaw, youq gwnz hawmiuh, cungj ndaej yawjraen daengz gyoengq boux maij eu fwen haenx doxcomz youq itheij eu fwen, miz saimbwk bouxcoz doiq eu, hix miz bouxlaux doiq eu. Gyoengqde eu fwenyoux, eu fwen danqhaenh saedceij ndei, bouxboux langhsing eu, bouxboux sim’angq dangqmaz.

(Vangz Gozsun/黄国顺)