Seizcin mbwn hawqsauj, mwngz ndaej yungh baihlaj geij cungj banhfap daeuj siucawz begsienj:

1、Aeu raemxmeiq ndat roxnaeuz raemxhing fou gyaeuj, ndaej siucawz begsienj.

2、Aeu raemx yiengzcoeng cat naenggyaeuj, doeklaeng yungh raemx- raeuj swiq seuq, ndaej siucawz begsienj.

3、Sien aeu laeujbizciuj rwed byoem dumz le cuengqce 15 faen cung roxnaeuz loq nanz di, dwk raemx swiq seuq, doeklaeng yungh sijfazgauh fou gyaeuj. Ngoenz 2 baez, gvaq 4 daengz 5 ngoenz, begsienj gag siu bae liux, caemhcaiq mboujmiz fucozyung dem.

Danghnaeuz byoem mwngz youz- ywd, mboujlwnh seizlawz cungj wnggai yungh sijfazci dozcijsing giengz haenx daeuj fou gyaeuj, moix aen singhgiz fou 2 baez couh ngamj. Boux byoem hawqsauj, wng senj yungh youzcijsing sijfazci daeuj fou gyaeuj, moix singhgiz fou baez ndeu, fou gyaeuj gvaq doq aeu ganhyouz roxnaeuz fazyuj daeuj led byoem. Doengzseiz, gwndaenj aeu miz gvilwd, simcingz hailangh, lai gwn di haijdai caeuq byaekaeuj ndeu, ciengz gwn cij singjsien、duh、lwgmak hix ndaej nyinh byoem.