●Ndwencieng, gyoengq boux- coz youq Denhdwngj Yen Fuzsinh Yangh Fuzsingh Cunh Mbanj- banjlungz vwnzdij hozdung cungsim angq dwk binghbanghgiuz. Ciuq cam rox, gaenh song bi daeuj, aen yienh neix gungh roengz 1800 fanh maenz, youq lajmbanj guh gunghgung vwnzdij sezsih. Neix ndaej vunzlai haenhndei.

(Liengz Cwngzfuj)

●Bineix ciet gvaqcieng, Yungzsuij Myauzcuz Swciyen gungh ciep hekyouz ndaw guek rog guek 20 lai fanh vunzbaez, saedyienh lijyouz cungjsouhaeuj 6000 fanh maenz, mizyauq dwk coicaenh nungzminz laisou.

(Lungz Linzci)

●2 nyied 15 hauh, Nanzdanh Yen Mangzcangz Cin Bahbingz Cunh Mbanjmanzba rangh dieg de miz fanh moux va byaekyouzcai hai lo, yinx 4000 lai boux hekyouz daeuj ngonzyawj, hawj dangdieg mizgven hangznieb dem- lai souhaeuj.

(Fuz Lungzgyangz)

●Cieng cibngux gvaq le, Lingzyinz Yen Gwzyin Cungjcan hai doeng gij ci hawj nungz- minzgungh ndaej cigsoh youq ranz naengh ci dauqbae guhhong. 2 nyied 16 hauh gyawj banhaemh, Lingzyinz Yen Lingzcan Yauzcuz Yangh Dauzva Cunh doenghboux Yauzcuz okbae dajgoeng de ndaej youq naj ranz dapci. Gij fuzvu neix vunzlai cungj naeuz ndei raixcaix.

(Loz Hihhaij)

●Youq gvaqcieng geizgan, Bwzswz Si gungh ciep hekyouz 95.03 fanh vunzbaez, neix gungh souhaeuj 2.58 ik maenz, doengzbeij demlai 25.74%. Ndawde, saek- nding lijyouz gungh ciep hekyouz 13.39 fanh vunzbaez, doengzbeij demlai 3.17%.

(Vuz Anhginh)