Ietnonx couh dwg cungj yindung gingz gencueg hwnj sang gvaq duenh aek ndeu. Caezgya cungj rox, ietnonx seiz ndaej hawj aen gi’gvanj ndaw aek bae naenxat sim caeuq bwt, simdaeuz ndaej cungfaen yindung, engq lai yangjgi ndaej yinhsoengq bae daengz gak aen cujciz gi’gvanh. Doengzseiz, aenvih gen caeuq duenh aek baih- gwnz hozdung, ndaej hawj gij lwed hamz yangjgi hawj soengq bae hawj aen’uk, hawj bouxvunz cing- singj cwxcaih.

Ndang vunz gaijbaeuhyoz、swnghlijyoz lwnh raeuz nyi, uk naek yienznaeuz ngamq ciemq daengx aen ndangnaek 1/50, danhseih aen- uk sied yangjgi cix ciemq daengx ndang sied yangjgi 1/4. Bouxvunz aenvih youzbyaij daengj yenzyinh, duenh ndang baihgwnz caeuq aen- uk yungzheih siuj lwed caeuq yangjgi. Vunz naengh nanz mbouj doengh, gyahwnj daihliengh yungh uk guhhong yungzheih yinxhwnj aen’uk siuj lwed siuj yangjgi, vunz couh gamjdaengz gyaeuj ngunh da raiz, ga mwnh hwet naet, cauh- baenz gunghcoz yauliz doekdaemq. Ndigah, ciengzseiz ietnonx、hoz- dung seiq gen ga doiq naetnaiq hoizdauq daih miz ndeicawq.