●Daj 2009 nienz daeuj, Dwz- bauj Yen gyoepsuenq fat cienz- ngaenz boujdiep gaijguh ranzyiemj daihgaiq 2 ik maenz, hawj 11850 ranz saujsu minzcuz gungzhoj souh’ik. Bi’gvaq, aen yienh neix gungh miz 2000 ranz saujsu minzcuz gungzhoj ndaej bangbouj.

(Nungz Yungjfang)

●Daj bi’gvaq daeuj, Lingz- yinz Yen Minzcuzgiz cizgiz hawj guekgya minzcuz canjbinj giyez youhvei cwngcwz ndaej saedhengz. Daengz bi’gvaq daihsam geiqdoh, Lingzyinz Yen Cangzanh Youjhan Gunghswh daengj 10 aen giyez gungh ndaej cienzngaenz boujdiep daigvanj leihsik 424896 maenz.

(Loz Caijginz)

●Daj bi’gvaq daeuj, Nazboh Yen Cwngzsiengh Cin haenqrengz fazcanj“mbanj miz yiengh ndeu”canjyez, youq Lungdij、Yungjbingz、Dunghan、Lungnanz daengj cunh gij dieg gwnz bya ndaem gosanhdougwnh. Seizneix daengx cin gyoepsuenq ndaej miz 250 moux, ciuq moix gaen 20 maenz、moux ndaej 800 gaen suenq, dan ndaem gosanhdougwnh couh hawj doenghboux dajndaem gij yw neix lai sou 400 fanh maenz.

(Vangz Bizvaz Lij Siuvaz)

●Bi’gvaq, Denhdwngj Yen mizgven bumwnz doengzcaez okrengz, nyinhcaen guh ndei hong sinhhingz nungzcunh hozcoz yihliuz, hawj haujlai nungzminz souh’ik. Daengz dangqnaj, aen yienh neix ceiok cienzngaenz bangbouj sinhnungzhoz gihginh 1.48 ik maenz, gungh miz 52 fanh vunz(baez) ndaej souh’ik.

(Vangz Lilanz)

●Geij ngoenz gonq, Sihlinz Yen banh ciengq go minzcuz doxdax, daengx yienh 8 aen yangh(cin) gungh miz 35 boux daeuj camgya, gyoengqde yungh vah dangdieg, ciengq Dangj Cibbet Gaiq Samcung Cenzvei cingsaenz, ciengq minzcuz doxgiet, ndwenngoenz ndei.

(Cinz Hungzsingh)