Denhcinh Yingzyangj Yozvei mingzyi lijswcangj Fu Ginhyuz naeuz, doiq boux ndang mbouj ndei, daegbied dwg boux dungx hawcaep daeuj gangj, mbouj hab gwn makleiz ndip, cawj cug gwn doengzyiengh ndaej siu ndat dingz ae, danhseih ceiq ndei cawj baenz raemxmakleiz, caemhcaiq gwn raemx caeuq nohmak, cij ndaej baujcwng miz yingzyangj.

Doiq lauxbaeg daeuj gangj, cunghyih nyinhnaeuz, gwn lauxbaeg ndip ndaej siu ndat seng raemx, bouj raemx leih nyouh, vaq myaiz dingz ae. Danhseih, boux bi’ndwen geq caeuq boux dungx hawcaep mbouj hab gwn lauxbaeg ndip, mienxndaej yinxhwnj dungxsaej mbouj cwxcaih.