Boux baenz gipsingq simsaek wng ninz gwnz mbonq yietnaiq, vunz ndaw ranz caenhliengh siuj bae buendoengh de. Ndaw rug baujciz caemcingx, gaej luenh hemq luenh swenj, mienxndaej gig vunzbingh le binghcingz haeuj naek, doengzseiz aeu gibseiz caeuq gipgouq cungsim lienzhaeh. Mwh caj ci gouqhoh geizgan, danghnaeuz vunz- bingh fatseng simlig hawnyieg、bak rueg daihliengh myaizraemx hoengzmaeq caeuq vunzbingh biz lai haenx, aeu fuz de buenq ninz roxnaeuz naengh hwnj.

Naengh raen vunzbingh meg diuq saeqnyieg、genga gyoetgyat, gojnwngz dwg maezgae lo, wng yaengyaeng cuengq bingz ninz gwnz mbonq, gaej hawj de demh swiz. Leuxle hawj de gwn siuhsonhganhyouz、siuhsinhdung rox- naeuz suhhozyanghvanz. Vunzbingh sim fanz mbouj onj seiz, ndaej hawj de gwn ywcaemcingx, danhseih mbouj ndaej hawj de gwn raemx lai, caemhcaiq aeu geih gwn doxgaiq. Bang de gej gaetbuh soeng saivaq, miz diuzgen seiz hawj de sup yangjgi, haeujsim bauj raeuj. Naengh vunzbingh sawqmwh mboujmiz meg diuq lo, wng bang de guh vunzgoeng diemheiq, geizgan mbouj ndaej dingzduenh, itcig guh daengz soengq daengz yihyen canghyw ciengjgouq cij dingz.