Dang maenzcienz mak- sezliz bwtmou:

Aeu 200 gwz maenz- cienz, song aen makleizsezliz, aen bwtmou ndeu, 5 gwz naeng makdoengj caez aeuq dang gwn, ndaej siu ndat nyinh bwt、vaq myaiz dingz ae、liengz lwed、bangcoh siuvaq. Hab boux baenz ganhyenz、boux baenz daep ndongj、 boux cihgi’gvanj fatyiemz caeuq boux baenz feiyenz gwn.

Dang ndoksej ngaeux:

Aeu 500 gwz ngaeux, 500 gwz ndoksej caez aeuq dang gwn, ndaej bouj mamx ik bwt.

Dang nohbit mak- cauj diemz byaekhau sauj:

Aeu 400 gwz nohbit, 100 gwz nohmou cing、250 gwz byaekhau sauj, 5 aen makcauj diemz caez aeuq dang gwn, ndaej nyinh sauj nyinh bwt、dingz ae seng raemx. Hab boux gan ae mboujmiz myaiz caeuq boux conghhoz hawqsauj gwn.

Ciengz gwn makleiz、makyungz、makcengz、mak- moiz ndaem、makit、mak- sanhcah、maksiglouz、mak- mizhouzdauz ndaej ciengx bwt, lij ndaej cangq dungx siu cwk, hawj vunz lai gwn ndaej doxgaiq. Dangzrwi、ngveih makgingq、raetngaenz caeuq daeuhfouh ndaej doeng haex. Boux dungxsaej hawnyieg siuvaq mbouj ndei haenx, ndaej gwn di cehmbu、maenzcienz、duhbap ndeu.