Raetmoegngaex ndaem cauj daepmou.

Guhfap: Cimq raet gawhbongz swiq seuq sik baenz vengq. Swiq daepmou seuq ronq baenz gaiq mbang, dwk roengz ndaw raemx denfwnj bae lauz yinz le caiq dwk roengz raemxgoenj bae log yaep ndeu, leuxle dwk roengz rek coemh youz bet cingz ndat bae, caiq dwk laeuj、coeng、hing sei、gyu cauj cug daek hwnj, louz youz hai feizhaenq cauj raet daengz ndongqrongh, caiq ndingq daepmou roengz cauj, dwk veicingh、youzhom ndau yinz daek hwnj couh baenz gwn.

Cuk fuzlingz(茯苓粥).

Guhfap: Aeu mba fuzlingz 30 gwz, 100 gwz haeuxsuen, 20 aen makdaihcauj. Sien swiq haeuxsuen、makdaihcauj seuq caez dwk rek gya raemx cawj cuk; dwk mba fuzlingz roengz cawj goenj yaep ndeu couh baenz gwn. Mwh dungx byouq seiz raeuj gwn, hix ndaej gaengawq amqbak dwk di dangznding ndeu, moix ngoenz haethaemh gak gwn baez ndeu.