Lingzyinz Yen Minzcuzgiz itsim naemj bangcoengh vunzlai, caemh vunzlai ngeix, doengz vunzlai naemj, lai baez daengz mbanj Yauzcuz yawj cam caz, coengh gij cunh、mbanj saujsu minzcuz gyae de gaijgez swnghhoz vwndiz, hawj vunz cunh、mbanj saujsu minzcuz gyae de guhhong nem gvaq ndaej onj ndei.

Bi’gvaq, aen giz neix yienz- naeuz cienzngaenz siuj, hoeng, lij bued gij cienzngaenz guh hong minzcuz de 35156 maenz, coengh Sahlij Yauzcuz Yangh Gojbuj Cunh coih roen coih yozyau, coengh Cauzlij Yauzcuz Yangh Nazbah Cunh Mbanjnazbah daengj 13 aen cunh、mbanj saujsu minzcuz doenghboux vunzmbanj de gaijgez nanzdaez. Ndawde, bued 8000 maenz coengh Sahlij Yauzcuz Yangh Gojbuj Cunh coih roen coih yozyau, bued 3000 maenz coengh Cauzlij Yauzcuz Yangh Nazbah Cunh guh cietgingq minzsuz, bued 3000 maenz hawj Swcwngz Cin Houlungz Cunh Beilungz Yauzgohvei, bued 3156 maenz hawj Swcwngz Cin Binjcunh cunhbu ciep daeng beng sienq cawx doxgaiq nem 18000 maenz hawj aen cunh neix guh 11 aen daemznyapnyaj. Gijneix ndaej vunzlai caez haenhndei.

(Loz Caijginz)