●Bi’gvaq, Nazboh Yen vih Gvangjsih Gauhsanh Genj Swhcouz Youjhan Gunghswh fat cienzngaenz diep leihsik 29.14 fanh maenz, neix couh naeuz ndaw yienh neix miz minzcuz mouyi canjbinj giyez ndaej daigvanj diep leihsik lo.

(Vangz Bizvaz)

●Bi’gvaq, Yungzanh Yen ndaem 8 fanh moux makgamgaet, daengx bi ndaej sou makgamgaet 7 fanh dun, bi canjciz mauhgvaq 3 ik maenz doxhwnj. 2011 nienz makgamgaet Yungzanh ndaej Guekgya Cizgenj Cungjgiz baecinj guh“guekgya doenghgij canjbinj daibyauj ranghdieg”. Baenzneix ndaem makgamgaet couh hawj vunzlai dangdieg ndaej laisou.

(Danz Gaijhingh)

●Bi’gvaq soucou gvaq liux, Mungzsanh Yen Mungzsanh Cin Gauhyungz Cunh Ouh Hangunh doiq gvanbaz neix youq reihnaz hoengq ndaem byaek nem ciengx bit, daengz 12 nyied daej, gyoengqde youq ndaw naz hoengq ciengx 1200 lai duz bitmazyaz, dangqnaj dwg seiz okgyaeq, bingzyaenz moix ngoenz ndaej gyaeq 800 lai aen, ciuq aen maenz daengz 1.2 maenz suenq, dan hangh neix couh ndaej souhaeuj 1000 maenz.

(Gvanh Sinh)

●Lingzyinz Yen gig yawjnaek minzcuz doxgiet cinbu senhconz hozdung, daj bi’gvaq daeuj, aen yienh neix youq gij roen hung caeuq gij duenh roen youqgaenj gvaq mbanj Yauzcuz、yozyau、segih、giyez daengj de laebguh 16 gaiq baiz senhconz minzcuz doxgiet.

(Loz Caijginz)