Seizdoeng cingq dwg aen seizciet maklaeq hwnj haw. Gizsaed, gwn maklaeq mboujdanh habbak, lij miz haujlai goengyauq vunzraeuz siengj mbouj daengz dem. Baihlaj gaisau geij aen goengyauq maklaeq ciengx ndang:

Goengyauq it: Ndaw mak- laeq hamz miz bubaujhoz cihfangzsonh caeuq veizswnghsu、gvangvuzciz, gwn de ndaej fuengz- ceih hezyaz sang、gvanhsinhbing、doenghmeg giet ndongj、ndok soeng ndok byoiq, dwg gij huqbouj ndei dingj nyieglaux、hawj vunz lai souhyienz ndeu.

Goengyauq ngeih: Ndaw maklaeq hamz miz hwzvangzsu, ciengz gwn maklaeq doiq lwgnyez bak linx hwnj baez nanz mbouj ndei caeuq vunzhung conghbak biux naeuh daih miz ndeicawq.

Goengyauq sam: Maklaeq ndaej soengq ndat hawj ndang vunz, caemhcaiq ndaej siu lauz ndaw ndang bae, gwn de ndaej ik heiq cangq beizheiq、bouj dungxsaej.

Goengyauq seiq: Ndaw mak- laeq hamz veizswnghsu C gig lai, ndaej veizciz diuzheuj、goetndok、sailwed ndaw noh cingqciengz goengyungh, ndaej yawhfuengz caeuq ceihyw ndok soeng ndok byoiq、hwet naet ga unq、nyinz ndok insep、rengz naiq, doiceiz ndang vunz nyieglaux.

Hoeng, gwn maklaeq aeu haeujsim gwnfap.

1、Boux beizheiq hawcaep mbouj hab gwn ndip, wnggai saz roxnaeuz cauj gwn, hix ndaej dawz de caeuq makdaihcauj、fuzlingz、haeuxnaz cawj cuk gwn.

2、Boux lwed miz bingh lumj rueg lwed、ok haexlwed wnggai gwn ndip.

3、Mehsenglwg、lwgnyez baenz haexgaz mbouj hab gwn lai.

4、Aenvih ndaw maklaeq hamz miz dansuijvahozvuz haemq lai, boux baenz binghnyouhdangz mbouj hab gwn lai.

5、Mboujlwnh dwg gwn ndip roxnaeuz gwn cug, aeu menhmenh nyaij gwn lienz myaiz ndwnj roengzbae, yienghneix yaugoj cij ndei.