Bonjbauq siusik(gicej Veiz Yennaz Cinz Yajniz / 韦愿娜 覃雅妮) 1 nyied 4 hauh, Yinznanz Swngj Vwnzsanh Couh Bouxcuengh Yozvei Yisuzdonz daengz Nanzningz, youq Gvangjsih Minzcuz Vwnzvuzyen guh veivwn byaujyenj, docih gyoengq boux lauxhangz Cuenghhag、yozcej Gvangjsih lai bi daeuj vih hong baujhoh caeuq haifat vwnzva Bouxcuengh Vwnzsanh ok geiq ok rengz. Gyoengq bouxyienj daenj buh Bouxcuengh, ciengq gogeq Bouxcuengh, diuq fouxsoujgaen、fouxmaxceij, ndeiyawj dangqmaz, ndaej daengz gih raeuz Bouxcuengh Yozvei lingjdaeuj、gak boux lauxhangz Cuenghhag caeuq vunzlaiz haenh ndei. Vwnzsanh Couh Bouxcuengh Yozvei Yisuzdonz hix baengh baez byaujyenj neix senhconz Bouxcuengh yenzswnghdai vwnzva Vwnzsanh. Ndaw doz dwg gyoengq bouxyienj cingq diuq fouxmaxceij.