Mehdaiqndang seizdoeng aenvih dwgliengz deng bae yihyen liuzyih beij bingzseiz lai ndaej lai. Boux baenz dwgliengz mbaeu mbouj yungh gwn yw gag ndei, boux baenz naek cix aeu gwn yw cij ndaej, daegbied dwg fatndat mauhgvaq 39 doh seiz, vih mienx deng laebdaeb fatndat yinxhwnj lwgndawdungx sim diuq gyavaiq, itdingh aeu ceihyw cij ndaej. Danghnaeuz laebdaeb fatndat geij aen singhgiz mbouj doiq ndat, gij sinzgingh hidungj lwgndawdungx couh gojnwngz deng yingjyangj.

Seizdoeng, mehdaiqndang ceiq yungzheih baenz caeugaen. Daegbied dwg daiqndang geizlaeng, gyanghaemh haeujninz seiz engq yungzheih fatbingh. Baenz caeugaen seiz, ndaej niuj fajdin、nunaenx、byaijdoengh daeuj vanjgaij caeugaen.

Gij mehdaiqndang nyuenz mbouj baenz ae- ngab gvaq haenx, mwh daiqndang seiz gojnwngz dwg aenvih aenndang、daiqndang atlig caeuq seizdoeng mbwn nit yaeuhfat baenz ae’ngab; danghnaeuz nyuenz gaenq baenz ae’ngab gvaq, seizdoeng engq aeu guh ndei fuengzhoh, ok rog cunzcet seiz gwnz ndang aeu bwh miz yw.