Youq ndaw ngoenznaengz swnghhoz, miz haujlai bouxlaux aenvih bak haeu cix gamjdaengz nyapnyuk dangqmaz, hoeng, dangh- naeuz dwg aenvih binghgoekheuj yinxhwnj bak haeu, couh aeu singjgaeh dwg mbouj dwg baenz doenghmeg giet ndongj lo. Ceiq- gaenh yihyoz yenzgiu yienjok, bingh goekheuj caeuq cungj nazmijgin ndeu mizgven, nazmijgin ndaej geiqseng youq raemxmyaiz、biujmienh diuzheuj、baihndaw heuj gietsig, de ndaej iemqok mbangj huqdoeg sibauh yinxhwnj deng ganjyenj cujciz humz in. Nazmijgin haeuj daengz ndaw lwed le, gojnwngz yaeuhfat baenz gvancang doenghmeg souhyiengh giet ndongj.

Vihneix, bouxlaux aeu dingh- geiz bae yihyen genjcaz conghbak, guhbaenz haethaemh cat heuj、ciengzseiz roq heuj、nunaenx nohheuj daengj sibgvenq ndei. Linghvaih, ciengz gwn gij haeux aeu raemxcaz daeuj cawj haenx, ndaej bangbouj fuengzceih bingh- heuj caeuq doenghmeg giet ndongj. Aeu 3 gwz mbawcaz heuz 500 daengz 100 hauzswngh raemxgoenj, doeklaeng raenz aeu raemxcaz dwk habliengh haeuxnaz cawj haeux gwn, ngoenz baez.