Lai gwn di gijgwn hamz miz nyinzsei lai he. Gijgwn nyinzsei lai ndaej gej doeg, lai gwn di ndeu ndaej baiz huqdoeg ndaw ndang okdaeuj. Gijgwn hamz nyinzsei lai haenx dwg haeuxgyak、byaekheu、lwgmak daengj.

Lai gwn di dang duhheu ndeu. Duhheu ndaej hawj danjgucunz ndaw ndang doekdaemq, ndaej baujhoh aen- daep, fuengzceih naengnoh hwnjnwnj. Ciengz gwn dang duhheu, ndaej bangcoh baiz huqdoeg ndaw ndang okdaeuj. Seizdoeng lai gwn di dang duhheu ndeu, ndaej baiz doeg ciengx naengnoh.

Bingzseiz lai gwn raemx. Ngoenz- naengz gwn 4 gaen raemx, couh ndaej doenggvaq nyouh baiz haujlai huqdoeg ndaw ndang okdaeuj, gemjmbaeu aenmak fudanh. Gwn raemx ceiq ndei dwg youq gyanghaet hwnqmbonq seiz、bairingz 3 diemj cung、gyanghaemh 9 diemj cung gwn.