12 nyied 21 hauh, mbwn gvengqliuliu, ndit raeujrubrub. Ndaw Gvangjsih Minzcuz Vwnzvuzyen, sing gyonglaz yiengj dung- dung, sing go goksasa, 700 lai boux beixnuengx Myauzcuz youq Nanzningz guh gunghcoz haenx youq gizneix ciengq go diuqfoux, angqhoh Daih 27 Gaiq Ciet- myauznienz.

Cietmyauznienz dwg aen ciet conz- dungj Myauzcuz, gaenq miz haj cien bi nanz lo.Youq angqhoh ngoenzciet ngoenzde, gyoengq beixnuengx Myauzcuz byaujyenj ciengq go diuqfoux Myauzcuz, roq gyonglaz Linzdung, diuq fouxvenz caijdangz, ndeiyawj dangqmaz, yinxdaeuj haujlai bouxyouz daeuj yawj. Yungzsuij Myauzcuz Swciyen Vwnzlenz lij youq ngoenzciet gawjbanh “Yungzsuij Minzcuz Funghcingz Ingjsiengq Canjlanj”.

Cietmyauznienz cujveijvei cujyin Gvanj Bingjluz youq gwnz ciet gangj vah naeuz, cijmiz youq dangj lingjdauj baihlaj, lwgminz Myauzcuz gwndaenj cij ngoenz beij ngoenz ndei. De gujli gyoengq beixnuengx Myauzcuz aeu haengjheiq haenqrengz bae gensez guekcoj, vih saedyienh siengjmuengh Cung- guek okrengz.