Vihliux cauh aen fwnveiz noengznwd doeg saw ndeu, gikfat siujhagseng doiq doeg Sawcuengh mizyinx, beizyangj hagseng miz sibgvenq ndei maij doeg saw, daezsang hagseng doeg saw suijbingz, 12 nyied 13 hauh, Dwzbauj Yen guh siujhagseng doeg Vahcuengh Sawcuengh doxdax. Daengx yienh miz 3 aen yangh (cin) 7 aen Sawcuengh sawqniemh hagdangz caeuq Dwzbauj Yen Duh’anh Cunghsinh Youwzyenz gungh 30 boux hagseng daibyauj camgya gezsai. Ginggvaq doxdax, doeklaeng, Vangz Licingh、Loz Liginz doengzhag aeu ndaej cuj banyozcenzbanh itdaengj ciengj, Vangz Liveiz doengzhag aeu ndaej cuj nienzgaep daemq itdaengj ciengj, Hij Ginz caeuq Hij Yilenz doengzhag aeu ndaej cuj nienzgaep sang itdaengj ciengj.

(Lij Cangzvu Luz Sanh/ 李常务 陆 杉)