●Daj 2009 nienz daeuj, Bingzgoj Yen gyarengz gensez mbanj moq vunz saujsu minzcuz daj dieg raemxdumx senj daeuj haenx, 5 bi gungh gensez 23 aen mbanj moq, bu roensuijniz ndaw mbanj 17.96 goengleix, coihguh 23 aen daemznyapnyaj, cang guenjraemx 7.72 goengleix. Guh gijneix liux, gaijbienq yiengh- siengq 23 aen mbanj, gungh miz 1167 hoh saujsu minzcuz 5969 vunz souh’ik.

(Lij Gyanghlanz)

●Bi’gvaq, Fuconh Yauzcuz Swciyen roengz 471.87 fanh maenz, gungh cihciz 1926 ranz laeb daemzcaujgi. Doengzseiz gawjbanh daemzcaujgi beizyin- banh 4 geiz, beizyin 261 vunz. Doenggvaq laebguh daemzcaujgi, gaijbienq yienghsiengq lajmbanj gig lai.

(Cinz Yengiz Bungz Swh- mingz)

●Bi’gvaq, Denhdwngj Yen cagaenj ca ndei hong fatbouj cienzngaenz coengh giyez iq. Dangqnaj, aen yienh neix miz 96 aen giyez iq, ndawde boux guhhong 768 vunz. Daengz dangqnaj, aen yienh neix gaenq fat cienzngaenz bangcoengh giyez iq de 176 fanh maenz, hawj 73 aen giyez iq souh’ik.

(Vangz Lilanz Danz Cangz- fwnh)

●Geij ngoenz gonq, Gungh- cwngz Yauzcuz Swciyen Lenzvah Cin Fungyenz Cunh daj bumwnz baihgwnz cengndaej 6 fanh lai maenz henhoh go faexcueng miz 400 lai bi de. Guh gijneix ndaej vunzlai caez haenhndei.

(Cwng Ciminj)

●Gaenh sam bi daeuj, Dava Yauzcuz Swciyen cizgiz saedhengz ndawsingz lajmbanj ciengxlaux cwngcwz, gungh fat cienzngaenz ciengxlaux baujyenj 3638 fanh maenz, daengx yienh 48466 bouxgeq souh’ik, hawj saujsu minzcuz ginzcung sim gig angq.

(Vangz Vwnzboh)