Gwnzdeih ci rumzcin

Geiznding mbin gwnzgyaeuj

Vunzlai sim raeujraeuj

Bi’moq daeuj angqfaengz

Gaijgwz samhaj bi

Gizgiz bienq naj moq

Hailangh byaij hwnj loh

Yienghyiengh goj swnhfwngz

Ginghci raeuz fazcanj

Singzmbanj bienq fouqmiz

Guek giengz hoengh lumj fiz(feiz)

Guekfuengz hix engq maenh

Minzswngh ndaej gaijndei

Mbouj gwnheiq haemzhoj

Raeuz gensez guekcoj

Byaij baecoh siujgangh

Dangj youq naj yinx loh

Gyoengqvunz goj ok rengz

Reihnaz yungh sim geng

Baihnaj engq ronghsag

Dangj Sanhcungh Cenzvei

Gveihva ndei baihnaj

Gaijgwz haeujlaeg ma

Hailangh gya mbe’gvangq

Byaij seveicujyi

Miz Cungguek daegsaek

Gaijgwz yied haeujlaeg

Gwndaenj mbaekmbaek sang

Cibbet Daih cingsaenz

Aeu gaem maenh fazcanj

Samcung cienzhoih gangj

Aeu banh ndei minzswngh

Siengjmuengh Gungguek raeuz

Saedyienh gyaeu lumj veh

Aeu cingzcik bae deq

Va yied mbe yied rang

Raeuz angqhoh yenzdan

Sim van coux bi’moq

Gunghoh raeuz guekcoj

Bibi goj hoenghhwd