●Dangqnaj, gaendwk Bingzgoj Yen Fungvuz Cin Ganhhoz Cunh“ranz vuenyungz”guh sat canghsiuh、coq sezbei liux, aen cin neix 15 aen“ranz vuenyungz” cienzbouh ndaej yungh liux lo, aen cin neix 3.7 fanh vunz daj neix ndaej souh’ik.

(Vangz Cinhhoz Cinz Gyauhyen)

●Daengz bineix 10 nyied daej, Denhdwngj Yen gyoepsuenq bued 263 fanh maenz guh 2013 nienz bujdungh gauhcungh guekgya cienhangh bang- bouj, doenghboux hagseng ranz daegbied gungzhoj ndaej bang haenx miz 1638 vunzbaez. Hagseng ndaej bang haenx ciemq cienzbouh 40%.

(Liengz Cwngzfuj Nungz Haijvei)

●Daj bineix 5 nyied guh“Ginhcuz gyaeundei·lajmbanj cinghseuq” hozdung daeuj, Ginzhih Si Ginhcuz Cin comz ndaej 112 fanh maenz, ndawde 75 fanh maenz cawx doxgaiq cinghseuq, baetseuq reihnaz 2.1 fanh moux. Doenggvaq baez hozdung neix, yienghsiengq lajmbanj bienq ndei gig lai.

(Coz Sanggunh Cinz Linz)

●Dangqnaj, Sihlinz Yen gaenq dazyinx 5 aen gunghswh roengzngaenz dajndaem gak cungj yw 20000 moux. Ceng daengz 2020 nienz laeb 10 aen hanghmoeg hung roengzngaenz ik maenz doxhwnj, doenggvaq hangh- moeg hung daiqdoengh fazcanj hung.

(Cinz Hungzsingh)