Bonjbauq siusik (gicej Dangz Lungz) 11 nyied 29 hauh, Swcigih Gyauyuzdingh nem Swcigih Minzyij- veij lienzhab youq Nanzningz hai daengx gih Cuengh Gun song yijvwnz gyauyuz gunghcoz veiyi. Swcigih Gyauyuzdingh fudinghcangj Bwz Cifanz、Swcigih Minzyijveij fucujyin Yangz Gijbyauh guh cungyau gangjvah. Baez hoih neix youz Swcigih Gyauyuzdingh Minzcuz Gyauyuzcu cucangj Veiz Lanzmingz cujciz. Swcigih Minzyijveij Minzcuz Yijvwnz Yingyungcu cucangj Moz Binh cungjgez gij gingniemh doxgyau. Gungh miz 93 boux camgya, gyoengqde daj Swcigih Gyauyuz- dingh、Swcigih Minzyijveij、Gvangjsih Minzcuz Gyauyuz Fazcanj Cungsim caeuq ndaw gih mizmbangj si、yienh、gih doenghgij gyauyuzgiz、minzveij、minzyijgiz(ban) daengj bumwnz daeuj; ndawde mizmbangj yienh(si、gih) doenghboux daibyauj doxgyau le gingniemh.