Seizdoeng mbwn nityuyu, ndang vunz sengleix hozdung aeu miz haujlai ndat daeuj veizciz cij ndaej. Cunghyih nyinhnaeuz, heiqyiengz ndang vunz seizdoeng wngdang dwg ndoj hwnjdaeuj, hix couh dwg gangj, gij sengleix hozdung ndang vunz aenvih aenmbwn daegdiemj daeuj yingjyangj, cix miz di hoetsuk caeuq gemjmenh lo. Seizdoeng gwn bouj, dwg gij conzdungj fuengfap guek raeuz geij cien bi roengzdaeuj fuengz bingh giengz ndang haenx, gwn bouj ndaej hawj yingzyangj doxgaiq cienjvaq baenz gij naengzliengh le rom youq ndaw ndang, hawj dungxsaej bwtdaep ndaej nyinh ciengx. Gaengawq aen yenzcwz“coudoeng ciengx yaem”、“seizdoeng ciengx mak” neix, hab lai gwn di gijgwn ndaengq he, lumj haijdai、byaekaeuj、haijcwz daengj. Linghvaih, lij ndaej lai gwn di nohyiengz、nohma、nohcwz、noh maknganx、noh makhuzdauz、makhwzdauz、maklaeq、makdaih- cauj、maenzcienz、raetmoegngaex、byaekheu、duhhenj、lauxbaeg nding、byaekyouzcai、byaekgat、byaekgep dem, noix gwn duzbaeu、nyauh ndaw haij、sae’gva caeuq makit.