Cunghyih nyinhnaeuz, gaengawq haj hangz haj saek yenzlij, gijgwn saekhau ceiq naengz fuengz hawq ndat.

Mwh cawj byaek seiz, ndaej senj cawj lauxbaeg hau、byaekhau、lwgfaeg、beghab、raetngaenz、ngaeux daengj. Ndawde, byaek- hau、lauxbaeg goengyauq ceiq ndei, danhseih boux dungxsaej caepliengz mbouj hab gwn lai.

Gwn nohvaiz、nohyiengz ndaej dingj nit.

Boux lau nit lij ndaej gwn lauxbaeg nding、lwgbiek、haijdai、byaekaeuj、byaek- bohcai daengj. Yenzgiu ndaej rox, boux lau nit dwg vuzgihyenz caeuq denj ndaw ndang noix mizgven. Mehmbwk ndaej lai gwn di gijgwn hamz diet lai haenx, lumj bwtdaep doihduz、nohcing、byaekbohcai daengj.

Lai gwn danbwzciz ndaej daezsang menjyizliz.

Doiq bouxlaux caeuq lwgnyez daeuj gangj, seizdoeng aeu lai boujcung mbangj youhciz danbwzciz ndeu, duhhenj hamz danbwzciz ceiq lai, bya、nyauh、gyaeqgaeq、duhdoem、makhwzdauz hamz danbwzciz hix haemq lai.