Raetmoegngaex ndaem. Aeu raetmoegngaex ndaem gyaux dangznae gwn, ndaej gyangq hezyaz, fuengz sailwed giet ndongj. Ciengzseiz aeu raetmoegngaex ndaem caeuq gyaeuj- suenq、coeng itheij gwn, ndaej vanjgaij gvancang doenghmeg souhyiengh giet ndongj.

Raetrang. Ndaw raetrang hamz miz cungj hwzsonh doxgaiq ndeu, ndaej hanhhaed danjgucunz canjseng, fuengz doenghmeg giet ndongj caeuq sailwed bienq byoiq, doiq fuengzceih bingh sim sailwed miz cizgiz cozyung.

Dangzrwi. Ndaw dangzrwi hamz miz veizswnghsu C、veizswnghsu K、veizswnghsu B2、veizswnghsu B6、huzlauxbaeg doxgaiq lai, ndaej gaijndei sailwed gvancang lwed lae baedauq, fuengz sailwed giet ndongj.

Makcauj. Ndaw makcauj hamz miz veizswnghsu C caeuq veizswnghsu D gig lai. Veizswnghsu D ndaej fuengz naengnoh ok lwed.

Makhwzdauz. Ndaw makhwz- dauz hamz miz linz gig lai, yayouzsonh hix lai, ndaej fuengzceih doenghmeg giet ndongj.

Lwggwz. Ndaw lwggwz hamz miz veizswnghsu D, ndaej demgiengz sailwed danzsingq, doiq fuengzceih hezyaz sang caeuq doenghmeg giet ndongj miz haemq ndei cozyung.

Makyungz. Ndaw makyungz hamz miz veizswnghsu D, ndaej baujhoh sailwed, fuengzceih hezyaz sang.

Maenzhau. Hamz miz dohdangz caeuq danbwzciz, lai gwn ndaej gemjsiuj danjgucunz hamzliengh, doiq fuengzceih sailwed giet ndongj gig miz leih.

Haeuxyangz. Ndaw haeuxyangz hamz miz yayouzsonh、veizswnghsu E daengj, ndaej fuengzceih sailwed giet ndongj.