●Geij ngoenz gonq, Yungz- anh Yen Banjgyauz Yangh Mbanjhoucai、Mbanjgujcin goeng- loh doeng mbanj guhbaenz nem niemhsou. Song mbanj neix dwg mbanj diegbya. Vih gaijgez vunzmbanj byaij roen hoj nanzdaez, aen yangh neix comz ndaej 34 fanh maenz daeuj guh roen. Dangqnaj, diuz roen raez 2.3 goengleix neix hawj vunzlai mbouj you byaij roen lo.

(Veiz Cujswz Vangz Sihbauj)

●11 nyied 8 hauh, Yungzsuij Myauzcuz Swciyen cujciz dayoz- swngh、cunghyozswngh nem doenghboux yizcwng cizfaz youq Dahyungzgyangh duenh Yungzsuij cuengq byamiuz, gungh cuengq byamiuz daihgaiq 25 fanh duz. Dangdieg gaenq laebdaeb 7 bi gaihcanj hawj bya sanj lai hozdung, youq Dahyungzgyangh cuengq byamiuz gungh 335 fanh duz doxhwnj, aeu neix daeuj henhoh swnghdai bingzhwngz.

(Gungh Siengzyouj)

●Geij ngoenz gonq, Gvan- yangz Yen gawjbanh Gvanyangz Cenhgyahdung byaij roen lijyouz heijguh yizsi. 200 lai doenghboux maij youq rogranz yindung haenx camgya daih’it ngoenz byaij roen daejniemh Cenhgyahdung, ngonz- yawj gij gingj ndei Gvanyangz.

(Yangz Hihyinz)

●11 nyied 5 daengz 6 hauh, Daengx Meijgoz Yauzcuz Yozvei Daibyaujdonz gungh 10 boux daengz Ginhsiu Yauzcuz Swciyen damqra goekgaen. Gyoengqde gonqlaeng cunzyawj minzcuz gauhcungh、Yauzcuz bozvuzgvanj nem Mbanjsizbazgyah. Youq mwh cunzyawj, boux donzcangj lwnh naeuz Meijgoz doenghboux Yauzcuz gig yawjnaek vwnzva bonjndang, youq segih Yauzcuz, lij miz vunz cienmonz son lwgnyez Yauzcuz hag Vahyauzcuz、lijyi Yauzcuz、gij goj riuz Yauzcuz, youq ndaw ranz gangj Vahyauzcuz, roengzrengz bauj gij sibgvenq gwnndoet, moix bi cungj gvaq ciet bimoq Yauzcuz.

(Yiz Canghyungz)