Seizdoeng mbwn nityuyu, vunz yungzheih deng nit le yinxhwnj baenz dwgliengz caeuq ndaenghaenz.

Lajneix gaisau haj cungj fuengfap dingj nit fuengz bingh hawj daihgya:

1、Ciengz gwn raemxgoenj. Seizdoeng mbaw hawqsauj, ndang vunz gig yungzheih siuj raemx, ciengz gwn raemxgoenj, mbouj- danh ndaej baujcwng aenndang sihyau, youh ndaej leih nyouh baiz doeg、baiz huqfeiq ndaw ndang okdaeuj.

2、Ciengz gwn dang hing makcauj. Aeu 10 aen makcauj、5 gep hingndip baek caz, haethaemh gak gwn baez ndeu, ndaej hawj ndang vunz lai dingj ndaej nit, siuj baenz dwgliengz caeuq siuj baenz gij bingh wnq.

3、Genhciz yungh raemxgyoet swiq naj. Ndaej hawj ndang vunz lai dingj nit, siuj baenzbingh, youh ndaej yawhfuengz baenz siengfung dwgliengz.

4、Gyaeujmbonq ciengz cuengq di makgam roxnaeuz bozhozyouz ndeu. Makgam singq raeuj, gij heiq de cuengq okdaeuj ndaej giepcawz binghdoeg. Gyaeujmbonq baijcuengq makgam, ndaej yawhfuengz saidiemheiq donhgwnz baenzbingh; yaek ninz seiz gwn geij dip makgam, ndaej vaq myaiz dingz ae. Cuengq bingz bozhozyouz iq ndeu youq henz gyaeujswiz, yungh aen’oet laeuheiq ndeu goemq ndei, hawj gij heiq bozhoz menhmenh sanqfat okdaeuj, ndaej yw gyaeuj in caeuq yw ndaengsaek.

5、Yungh aenswiz mbaw gosangh caeuq vagut demh ninz. Mbaw gosangh seizdoeng caeuq vagut seizcou ndaej raeh da singj uk yw dwgliengz. Dawz daeuj guh sim gyaeujswiz demh ninz ndaej hawj ukgyaeuj lingzsingj, ninz ndaek vaiq, hix ndaej fuengzceih dwgliengz.