Sihlinz Yen Bujhoz Myauzcuz Yangh Nganzlaz Cunh miz Yizcuz、Myauzcuz、Bouxcuengh、Bouxgun、Yauzcuz、Gwzlaujcuz daengj roek aen minzcuz caemhyouq. Vihliux gyagiengz minzcuz doxgiet, coicaenh sevei huzndei, Nganzlaz Cunh gak minzcuz beixnuengx gag cujciz vunzlai, doengzcaez angqhoh bi 2013 “Yizcuznienz”.

“Yizcuznienz” Vahyizcuz heuhguh “gohsih”，eiqsei dwg “bi moq”. Moix bi liggaeuq cib nyied samcib daengz cib’it nyied coit gvaq ciet. 11 nyied 2 hauh, gyoengq beixnuengx Yizcuz、Myauzcuz、Bouxcuengh、Bouxgun、Yauzcuz、Gwzlaujcuz comz youq itheij, daem ceiz、dwk lwggyangq、diuqfoux angqhoh ngoenzciet, muengh vunzlai bilaeng gwndaenj ngoenz beij ngoenz ndei.(Yangz Meijyingh)