Gijcej cingsaenz mbwk

Ceiq lumj dwg duzdinz

Hai fwed gwnzbiengz mbin

Ciensim damq vafaenj

Bi cin cou seiqgeiq

Mbouj ndaej hoengq saek seiz

Ndit ndat haenq baenz feiz

Ciengzseiz bae caijfangj

Cungj mbouj lau haemzhoj

Hix ndi ndoj ngoenzfwn

Gizlawz miz sinhvwnz

Soemh fwn hix bae aeu

Doengxngoenz bae caijfangj

Byaij gwnzmbanj ndawsingz

Ngoenz mbouj hoengq ninzringz

Dauq lienzhwnz dajgauj

Dwg conghcueng seiqgaiq

Dajhai yawj ndaej ok

Saeh guekndaw guekrog

Byawz log yawj couh rox

Seih aen bak guekcoj

Dwg cwngfuj simsing

Seih aen gingq yinzminz

Souh vanhyingz dwggyaez

Veh gaijgwz gaihfang

Sij sevei vwnzmingz

Sonyinx gyoengq yinzminz

Fazyangz cingsaenz ndei

Vih lwgminz vih dangj

Mbouj gangj mingz caeuq leih

Caiq naiq hix vuenheij

Danh vunz ndaej vuenyungz