Geij ngoenz gonq, Ningzmingz Yen Minzcuzgiz faenbied youq Dingzlieng Yangh Lizsinh Cunh Mbanjbwnzcangh、Aiden Cin Ganh’ai Cunh Mbanjnazdung song aen mbanj minzcuz doxgiet sifan neix, gawjhengz 2013 nienz lajmbanj gohgi saed- yungh beizyinbanh, doenghboux camgya beizyinx miz song aen cunh 16 aen mbanj 300 boux Bouxcuengh nem Yauzcuz, gungh banh song ngoenz, cingj Ningzmingz Yen Gohgigiz Coz Lijsw gyausou daeuj hwnjdangz. Neiyungz baugvat gisuz dajndaem cazyouzbya、lingzcih、sahyinz, gisuz hawj oij gauhcanj nem gohgi ciengx cwz、ciengx yiengz、minzcuz faplwd fazgveih cihsiz daengj.

Baez beizyin neix hawj aen yienh neix ginzcung saujsu minzcuz gij gisuz dajndaem daengj cunghab suciz ndaej daezsang gig lai, coicaenh ndaw yienh dieg saujsu minzcuz ginghci ndaej youh ndei youh vaiq fazcanj, caemhcaiq doidoengh aen yienh neix ginghci ndaej hoengh hwnjdaeuj.

(Suh Fungvah Sinh Gyahbingz)