●11 nyied 7 hauh daengz 10 hauh, Lozyez Yen gawjbanh saujsu minzcuz ganbu beizyinbanh, 120 boux ganbu saujsu minzcuz daj daengx yienh gak yangh(cin)、ndaw yienh gak danhvei daeuj camgya.

(Bungz Ciswnh)

●Vih nyinhcaen guh ndei hong henhoh guenjleix vwnzva conzdungj minzcuz ndawbiengz, hawj Lungzanh Yen gij fwenbaiz Bouxcuengh gig miz daegsaek haenx ndaej swnjcienz nem fazcanj, 11 nyied 6 hauh, yienh vwnzva’gvanj gawjbanh fwenbaiz Bouxcuengh vunzlai souh’ik beiz- yinbanh, 30 boux maij fwen daj ndaw yienh gak yangh(cin) daeuj camgya beizyin.

(Veiz Veilanz)

●11 nyied 1 hauh, Gveilinz Si minzveij senhgyangjdonz daengz Yangzsoz Yen Gauhdenz Cin gaihcanj ndwen senhconz minzcuz doxgiet nem minzcuz faplwd fazgveih gyangjco, aen cin neix cujciz ndaw cin、cunh doenghboux ganbu nem dangjyenz daibyauj gungh 80 lai boux camgya beizyin.

(Vangz Yilanz Cinz Gwnghdi)

●11 nyied 5 daengz 6 hauh, Dasinh Yen Wnhcwngz Yangh cujciz nungzhoh ciemdingh gij hozdungz boujdiep ndaem ndoeng- faex swnghdai hawj vunzlai souh’ik haenx, gungh ciemdingh hozdungz boujdiep 12.7 fanh moux, ndawde cunghyangh gaep daihgaiq miz 12.6 fanh moux, swcigih gaep daihgaiq 1523 moux, neix hawj baezlaeng guh hong boujdiep ndaem gij ndoeng neix daj ndei giekdaej.

(Nungz Ligenh)