1、Genhciz lienhndang. Lienhndang ndaej daezsang gengangh suijbingz, hawj ndang vunz lai dingj ndaej bingh. Guh yindung aeu yawj vunz bae guh, itbuen dwg youzbyaij、dwkgiuz、guh dijcauh、dwk daigizgenz、lienh heiqgoeng、menhbuet daengj.

2、Genhciz fuengz bingh. Fuengz bingh dwg naeuz yawhfuengz mbangj bingh seizcou yungzheih fukfat haenx, lumj dwgliengz、heiqguenj fatyiemz、dungx in、hohndok in daengj. Boux miz cihgi’gvanj fatyiemz、dungx in gvaq haenx aeu haeujsim bauj raeuj, fuengz bingh gaeuq fukfat.

3、Genhciz diuzciengx. Seizcou mbwn hawqsauj, ndaej habdangq gwn di raemxgoenj、caz cit、gienghduh、cijvaiz ndeu, lij wngdang lai gwn di lwgmaenz、haeuxyangz、lwgraz、byaekheu、lwgndae、gyoijhom、dangzrwi、makcauj nding dem.