Vanzgyangh Mauznanz Cuz Swciyen Swh’wnh Cin Yinzhoz Siujyoz dwg daengx gih Sawcuengh haeuj hagdangz sawqniemh hagdangz ndawde aen ndeu. Lai bi daeuj, Yinzhoz Siujyoz genhciz gvancez “cib roek cih” fuengcim, genhciz guh Sawcuengh Sawgun song saw vah sonhag, aeu ndaej cingzcik maenhndei. Vihliux hawj hagseng youq dwzyuz、ciyuz、dijyuz geij fuengmienh cungj ndaej fazcanj, Yinzhoz Siujyoz giethab hong sonhag cungsim swhgeij caeuq geiqciet daegdiemj, guhndei hong sonhag le lij ciengzseiz cujciz hagseng guh gak cungj gak yiengh hozdung miz yiyi haenx, lumj guh gak cungj dijyuz doxdax; cengguh bouxlwgnyez ndei baujhoh vanzging hagdangz; ciet- cingmingz bae baet moh lezsw. Sawj gyoengq hagseng youq ndaw hozdung hag rox cihsiz, ndaej daengz gyauyuz. Hagdangz hozdung lai, hagseng maij youh angq. Hagseng youq ndaw hagdangz doegsaw fungheiq noengznwd neix angq doegsaw, vaiqvued gvaq saedceij.