“Haj、seiq、sam、ngeih、it, fatseq!” Mboengqgonq, riengz gij sing goksasa gyoengq hagseng, aenmozhingz hojcen youq gwnz cauhcangz Liujcwngz Yen Dabuh Daih’it Siujyoz swnghwnj gwnz mbwn bae, gyoengq saeseng hemq hwnjdaeuj, neix dwg Liujcwngz Yen 2013 nienz “cib nyied gohyoz bujgiz hengzdoengh” hainduj lo.

Baez “cib nyied gohyoz bujgiz hengzdoengh” neix yaek guh sam ndwen, aeu “gyagiengz swnghdai vwnzmingz gohbuj, bangcoh doidoengh gyaeundei Liujcwngz gensez” guh cawjdaez, hopngomx gij neiyungz seveicujyi lajmbanj moq gensez、gensez sevei mbaetyungh yiengh、 baujhoh swnghdai vanzging、gunghgung ancienz cihsiz neix, youq daengx yienh guh gohyoz bujgiz hozdung, daezsang ginzcung gohyoz suciz. Gyoengq hagseng youq yienhciengz caenda yawjraen biubonj duznon、yizci cizmuz、feihgih mozhingz, gamjdaengz mizyinx dangqmaz, hag ndaej le gohgi cihsiz.(Vangz Veijgenh)