Ndaw moeggva hamz veizswnghsu C lij sang gvaq makbingzgoj baenz 48 boix. Ciengz gwn moeggva ndaej bingz daep huz dungx, soeng nyinz vued meg, ndaej hawj sailwed unq, dingj nengz siu haenz, dingj nyieglaux ciengx naengnoh, dingj aiz fuengz aiz, demgiengz rengzndang. Moeg- gva yingzyangj lai, ndaej gwn ndip hix ndaej aeuq dang gwn.

Yenzliuh: Aeu buenq gaen moeggva, aen lauxbaeg nding ndeu, aen haeuxyangz ndeu, buenq gaen nohmou daiq naeng, sam fouq nyaujgaeq, 1500 gwz raemxsaw.

Guhfap: Nohmou、nyaujgaeq dwk raemx roengz rekmeng coemh goenj, vez fugfauz hwnj le dwk moeggva、lauxbaeg nding、haeuxyangz roengz feiznumq aeuq buenq diemj cung couh baenz gwn.

Cungj dang neix feihdauh vandiemz, cibfaen dumznyinh, hab seizcou gwn daeuj ciengx ndang.