Gij baujgen cozyung gyaeujsuenq baugvat coicaenh sup haeuj caeuq baiz ok, hawj danjgucunz caeuq ganhyouzsanhcij doekdaemq roengzdaeuj, caemhcaiq ndaej hawj hezyaz caeuq hezdangz doekdaemq dem, ndigah, doiq hezyaz sang、hezcij sang、doenghmeg giet ndongj、binghnyouhdangz miz itdingh ywyauq.

Dingzlai vunz mbouj haengj gwn gyaeujsuenq, neix dwg aenvih gwn le bak haeu lai. Conhgyah naeuz, gwn gyaeujsuenq le nyaij di mbawcaz, daegbied dwg cazva caeuq caz dezgvanhyinh ceiq miz yaugoj. Linghvaih, bak hamz cijvaiz raeuj roxnaeuz cijvaiz ndat le menhmenh ndwnj roengzbae, hix ndaej siu heiqhaeu.

Gizsaed, gwn gyaeujsuenq mbouj dwg naeuz lau bak haeu, cix dwg mwh gwn seiz miz gimqgeih. Boux ndang hawnyieg moix baez gwn dip daengz song dip couh ndaej, gwn lai rox hwnjhuj. Linghvaih, ceiq ndei dwg youq haetcaeux roxnaeuz banngaiz gwn, gyanghaemh gwn yungzheih gig conghndaeng、conghhoz caeuq nemmuek aendungx.