●Daj bineix daeuj, Bwzswz Si daj guekgya nem swcigih ceng’aeu ndaej gij hanghmoeg roengzcienz guh sevei saehnieb haenx 145 aen, gungh 3.8856 ik maenz. Ndawde cunghyangh roengz 2.9529 ik maenz、swcigih bangbouj roengz 450 fanh maenz. Guh gij hanghmoeg neix, gaijndei gihcuj sezsih dieg saujsu minzcuz, doidoengh dieg minzcuz ginghci sevei fazcanj.

(Lij Gyanghlanz)

●Geij ngoenz gonq, diuz roen daj Canghvuz Yen Luzbauj Cin doeng daengz Sanhbingz Cunh Cunhveij haenx cingqsik haigoeng gaijguh lo. Diuz roen mbanj gaep neix raez 6 goengleix, bu suijniz daihgaiq bae 360 fanh maenz, ndawde ginzcung gag comz 36 fanh maenz. Dangqnaj Sanhbingz Cunh gaenq gag comz ndaej cienzngaenz coih roen 10 fanh maenz.

(Liuz Gozvwnj)

●Bineix, youq guh hong baetseuq lajmbanj ndawde, Liuj- cwngz Yen youq Dabuj、Majsanh、Lungzdouz daengj yangh(cin) laebhwnj sifangih suenmak seuq, aeu gijneix daeuj dajyinx bouxndaemmak guenj ndei suen- mak, caemhcaiq youq ndaw suen gip deuz daehvafeiz、bingzyw daengj doenghyiengh nyapnyaj, bauj suenmak seuq, haenqrengz dawz daengx yienh 22.6 fanh moux suen makgam guhbaenz suenmak seuq.

(Dwng Gwzyi)

●Daj 2010 nienz 1 nyied daeuj, Yungzanh Yen gag comz cienzngaenz, hawj doenghboux bouxgeq moix ndwen fat 50 daengz 200 maenz boujdiep, caemhcaiq coengh gyoengqde banh sinh- nungzbauj, hawj bouxgeq diegbya haenx geq mbouj you ciengx, laux miz giz baengh.(Danz Gaijhingh)

●Fawh seizcou, Yungzsuij Myauzcuz Swciyen gyangdoengh haeuxhenj, ndaw raemx bya biz, vunzmbanj caeuq hekyouz doq gvej haeux doq gangq bya, angqhoh fungsou. Couh youq 10 nyied 19 hauh, aen yienh neix Anhdai Yangh Mbanjmyauzcuz Siujsangh, hekyouz caeuq beixnuengx Myauzcuz itheij gangq bya.(Lungz Linzci)