Cunghyih nyinhnaeuz, ciengx ndang aeu haeujsim mbwn vunz doxhab’wngq, hab geiqciet aen- mbwn bienqvaq, mienxndaej heiqrwix ciemq haeuj cij mbouj yungzheih baenzbingh、nyieglaux. Baenzneix, seizcou gohyoz ciengx ndang aeu bwh miz gijgwn nyinh bouj lawz ne?

1、Raetngaenz. Raetngaenz ndaej nyinh yaem、nyinh bwt、ciengx ndang. Raetngaenz ndaej ik ndaw bouj heiq, gijgwn nyinh yaem nyinh sauj doiq naengbak hawqsauj miz bouj ik cozyung.

2、Beghab. Cunghyih aeu beghab dangguh ywbouj daeuj dingz lwed、vued lwed、cing bwt nyinh sauj、leix mamx cangq dungx.

3、Lwgmaenz. Lwgmaenz ndaej yw haexgaz, hix ndaej gemjbiz.

4、Makdaihcauj. Cunghyih ciengz yungh makdaihcauj daeuj yw aendungx hawnyieg、heiqlwed mbouj gaeuq、ninz mbouj ndaek daengj. Gaengawq yozlij yenzgiu, makdaihcauj ndaej baujhoh aen- daep、gyangqdaemq hezcij. Cunghyih doengzseiz lij nyinh- naeuz, makdaihcauj yienznaeuz feih diemz、mbouj miz doeg, danhseih bien caepndat, ndigah mbouj hab gwn lai, daegbied dwg boux ndaw dungx caepndat haenx, gwn lai rox yinxhwnj caepndat hozhawq、dungx ciengq daengj mbouj ndei fanjying.

5、Gaeujgij. Seizcou gwn gaeujgij, ndaej hawj saeknaj bouxvunz hoengzmaeq, byoem- gyaeuj ndaem wenj, doiceiz nyieglaux. Danhseih aenvih gaeuj- gij raeujndat aenndang yaugoj haemq giengz, boux baenz hezyaz sang、boux singqcingz daiq gaep ceiq ndei gaej gwn de.