□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Ginggvaq faensik ngeixyaeng le gij diuzgienh swyenz caeuq cingz- gvang lizsij Guengjsae haenx caeuq gij gingniemh gyauyin gaijfang gvaqlaeng 10 lai bi daeuj haenx, Veiz Gozcingh ndaej ok aen gainen yienghneix: Guengjsae mbouj naengz vih haeux ndaej guh ok gung’yen hung hawj guekgya, Guengjsae guh gung’yen hawj guekgya cujyau wnggai dwg lai daezhawj di doenghgogai、huqndoeng’ok、huqdoihduz caeuq huqdoj daengj hawj guekgya.

Gih dangjveij cangzveij cungj doengzeiq gij yawjfap Veiz Gozcingh.

Gyauz Yaujgvangh naeuz: “Gozcingh dungzci gangj aen gainen neix, dwg youq daihliengh diuhcaz ngeixyaeng aen goekdaej gwnzde, ginggvaq nyinhcaen guh gohyoz faensik cij daezok daeuj, gou liuxcaez doengzeiq gij yawjfap de. Mboengq- neix, nungzyezbu、nungzyezdingh caeuq giveij daengj bumwnz, cungj yaenglwnh aen vwndiz neix, caemh nyinhnaeuz Guengjsae gig nanz daezgung ndaej engqlai haeuxgaicawx hawj guekgya, hoeng wnggai roengz- rengz guh baenz haeux gihbwnj gaeuq gwn caemhcaiq ndaej ce, raeuz aeu yungh lai cungj ginghyingz daeuj guh gung’yen hawj guekgya.”

Gaengawq daihgya nyinhnaeuz doxdoengz, swcigih dangjveij cangz- veij daengxcungq doengzeiq, gozdingh gij fuengcim Guengjsae mbefat swnghcanj nungzyez haenx: Haengj- heiq guh swnghcanj haeuxgwn, guh daengz haeuxgwn gaeuq gwn vanzlij ndaej ce, doengzseiz, ciuq gij cingz- gvang gak dieg mbouj doengz haenx ceiqdingh banhfap caeuq gij aeu guekgya ndaej doxgap dingz yenzcwz neix, daihlig mbefat doenghgogai、hongciengxlangh caeuq ndoengfaex. Gangj daengz daengx gih, aeu yungh demcanj haeuxgwn daeuj baujcingq doenghgogai、hongciengxlangh caeuq hongndoengfaex daengj lai cungj ginghyingz ndaej dauqfuk caeuq mbefat, youh yungh gijneix daeuj mbefat ginghgunghyez、hongdinfwngz, demgya souhaeuj caizcwng guekgya caeuq souhaeuj lwgminz, demgya gij doxgaiq diuh hawj diegrog caeuq gai hawj guekrog haenx, bangdingj hwnjguh guekgya.

(caengz sat)